მაკა მესხაძე

პროექტის სახელწოდება: ეროზიული ფერდობის აღდგენა.
პროექტის მთავარი იდეა (თემა) 1–2 წინადადებით: სასოფლო-სამეურნეო დანიშნულების მქონე ტერიტორიის აღდგენა და დაცვა.
პროექტის აქტუალობა: რაჭა მაღალმთიანი რეგიონია,ამ რეგიონის ფერდობებისთვის ყოველთვის დამახასიათებელი იყო ეროზია,მაგრამ ტყის მასიურმა ჭრამ და რაჭაში მომხდარმა მიწისძვრებმა, საკმაოდ გაზარდა ამ პრობლემის მასშტაბები,რაც სასწრაფოდ რეაგირებას მოითხოვს.
პროექტის მიზნები: შევიმუშავოთ ეროზიული ფერდობების აღდგენის მოდელი და ამ მოდელის მიხედვით განვახორციელოთ ერთ-ერთი ასეთი ფერდობის აღდგენა.
მონაწილეთა ასაკი: 15-18 წლის მოზარდები და სპეციალისტები.
ვადები/ხანგრძივობა: 6 თვიდან 1 წლამდე
მოსალოდნელი შედეგები/პროდუქტები,რაც შეიძლება შეიქმნას: ჩამორეცხილი ნიადაგის აღდგენა და მისი პროდუქტიულობის გაზრდა.
პროექტისთვის საჭირო ძირითადი რესურსები: ბარი, ანტიეროზიული მცენარეები (ტირიფი, აკაცია, ქაცვი ).
პროექტის მსვლელობა (ძირითადი აქტივობები): პირველ რიგში უნდა მოხდეს მცოცავი მიწის ჩამოჭრა-მომრგვალება, რათა თავიდან ავიცილოთ ეროზიული ნაკვეთის თავზე განლაგებული ტერიტორიის ყოველწლიური კარგვა.
ფერდობებზე ჩამონადენი წვიმის წყლის ნაკადის რეგულირება, არხების გაჭრის საშუალებით.
ფერდობის გამაგრებისთვის ადრე გაზაფხულზე ვაკეტებთ მცირე ზომის ტერასებს, სადაც 40-50 სმ-ს სიმაღლეზე ვრგავთ: ტირიფის, აკაციის ან ქაცვის ნერგებს, რომლებსაც არა მარტო ანტიეროზიული დანიშნულება აქვთ, არამედ მათი გამოყენება ყოველდღიურ ცხოვრებაშიც შეიძლება.
ფერდობის აღსადგენად არანაკლებ მნიშვნელოვანია ბალახეული საფარიც. წვიმიან ამინდში უნდა მოხდეს ბალახის თესლის მიმობნევა.
უნალექობის შემთხვევაში,საჭიროა სარწყავი საშუალებების გამოყენება. მორწყვა უნდა მოხდეს სიღრმისეულად, რათა თავიდან ავიცილოთ ზედაპირული გადარეცხვა.
საგნებთან/საგნობრივ ჯგუფებთან/ეროვნულ სასწავლო გეგმასთან კავშირში: ბიოლოგია (ეროზირებული ნიადაგები).
პროექტის ხელმძღვანელი -მაკა მესხაძე
ხელმძღვანელის ელ–ფოსტა: makamesxadze@gmail.com
პროექტის ვებ–გვერდი/ბლოგი: makamesxadze.blogspot.com